Вьетнам қирғоқ мудофааси мамлакатлар ўртасидаги денгиз чегарасини бузганлиги учун Хитой кемасини қўлга олди. Бу ҳақда Kyodo News агентлиги маълумотига таяниб, «ТАСС» хабар беради.
Агентликнинг маълум қилишича, кема 31 март куни Жанубий Хитой денгизидаги Тонкин кўрфазида қўлга олинган. Шундан кейин уч кишидан иборат экипаж аъзолари сўроқ қилиш учун Вьетнам шимолидаги Хайфон шаҳрига етказилган.
Кема капитани чегарани бузганлигини тан олганлиги таъкидланмоқда. Бундан ташқари, у кема балиқ овловчи катерларни таъминлаш учун 100 минг литрга яқин ёқилғи олиб кетаётганлигини маълум қилган.
ХХР ўн йиллар давомида бир нечта мамлакатлар билан Жанубий Хитой денгизидаги бир қатор оролларнинг ҳудудий тегишлилиги юзасидан мунозаралар олиб бормоқда.
Изоҳ (0)