1 апрелнинг эътиборга молик янгиликлари — «Дарё»нинг кечки дайжестида.
1. Тошкентда ойлик йўл чипталари нархи ошди. Аввалроқ Тошкент жамоат транспортида 1 апрелдан йўл ҳақи 20 фоизга қимматлашиши ҳақида хабар берилган эди.
2. Саудия Арабистони нефтга боғлиқликдан қутулиш учун 2 трлн доллар капиталга эга жамғарма яратади. Инвестициялар диверсификацияси Саудия Арабистони иқтисодиётини яқин 20 йил ичида нефть даромадига боғлиқликдан халос этади, дея ишонмоқда Муҳаммад бин Салмон.
3. Хитой 2016 йилда темир йўллар қуриш учун 124 млрд доллар ажратди. 2015 йилда мамлакатда фаолият кўрсатаётган темир йўлларнинг умумий узунлиги 121 минг километрга (жумладан, 19 минг километр тезкор темир йўллар) етган.
4. Tesla 35 минг долларлик электромобилни тақдим этди. Илк буюртмаларни компания қабул қилишни бошлаб юборди, харидорларга машиналар 2017 йил охирида етказиб берила бошлайди.
5. Тошкент метросидаги мониторларда бир ҳафта мобайнида қушларга бағишланган ролик намойиш этилади. Халқаро қушлар кунига бағишланган акция табиатни муҳофаза қилиш давлат қўмитаси томонидан «Birds.uz» сайти билан ҳамкорликда Тошкент метрополитени кўмагида ўтказилмоқда.
Изоҳ (0)