Россиянинг «Моя планета» телеканалида «Каракалпакия: сквоз пески времен» («Қорақалпоғистон: Давр қумлари орасидан») номли янги ҳужжатли фильм намойиш этилди. Бу ҳақда Қорақалпоғистон Республикаси Вазирлар Кенгаши Ахборот хизмати хабар берди.
Етти бобдан иборат бир соатлик фильмда Қорақалпоғистоннинг бой маданий-тарихий мероси, муҳим аҳамиятга эга археологик топилмалари, сайёҳлик масканлари, табиати, ҳудудда амалга оширилаётган бунёдкорлик ишлари ҳамда саноат салоҳияти ҳақида қизиқарли маълумотлар тақдим этилади.
Фильмда, шунингдек, Орол денгизининг қуриши оқибатида юзага келган экологик вазият оқибатлари қандай бартараф этилаётгани ва бу ерда яшовчи аҳолининг табиий офат билан қандай курашаётгани алоҳида таъкидланади.
Изоҳ (0)