30 мартнинг эътиборга молик янгиликлари — «Дарё»нинг кечки дайжестида.
1. Россиянинг Пхукетдан қайтаётган самолёти йўловчи ўзини ёмон ҳис қилгани туфайли Тошкентда қўнишга мажбур бўлди. Лайнер Тошкентга соат 15:30 да қўнган, 16:30 да у учиб кетиши керак эди.
2. КХДР ҳукумати фуқароларни очарчиликка тайёрланишга чақирди. «Инқилобгача бўлган йўл узоқ ва қийин. Эҳтимол, биз яна ўсимликлар илдизлари билан озиқланишимизга тўғри келар», — дейилади КХДРдаги марказий нашрда эълон қилинган мақолада.
3. Ерик Утембаев Қозоғистоннинг Ўзбекистондаги элчиси этиб тайинланди. Утембаев бунгача Қозоғистоннинг Польшадаги элчиси сифатида ишлаб келган.
4. Instagram’да бир дақиқагача бўлган видеони жойлаштириш имкони туғилди. Маълумот учун, ҳозирда Instagram’да 3 дан 15 сониягача бўлган видеони жойлаштирса бўлади.
5. 2008 йилги инқирозни келтириб чиқарган молиячининг исми ошкор бўлди. У Hayman Capital Management жамғармаси асосчиси Кайл Бесс бўлиб чиқди.
Изоҳ (0)