Тошкент шаҳрида 802 та трамвай бўлгани ҳақидаги хабарлар ҳақиқатга мос эмас. Бу ҳақда Тошкент шаҳар ҳокимлиги ахборот хизмати раҳбари Ҳусан Эрматов маълум қилди.
Ҳусан Эрматовнинг «Тошшаҳартрансхизмат» компаниясига асосланиб маълум қилишича, шаҳар трамвай паркида жами 87 (саксон етти)та трамвай мавжуд бўлиб, улардан 51 таси ишга яроқли.
Бу трамвайларда бир йўловчига хизмат кўрсатиш таннархи 2864 сўмни ташкил этган. «Трамвайларнинг ўрнига автобусларнинг қўйилиши билан харажатлар ва даромадлар балансига эришиш кутилмоқда», — дейди ҳокимлик ахборот хизмати раҳбари.
Аввалроқ бир қатор интернет-нашрларда шаҳар трамвай паркида 802 трамвай борлиги, улардан 752 таси ишга яроқли экани ва улар, Тошкентда барча трамвай йўналишлари ёпилиши муносабати билан, хориж мамлакатларига сотилиши ҳақида хабарлар пайдо бўлганди.
Изоҳ (0)