Игорь Манндан маълумотларнинг ғоят улкан миқдори: бир куннинг ўзида иккита семинар

Маркетинг назариясини билиш — бу ҳали уни муваффақиятли қўллай олишингизнинг далили эмас. Амалий кўникмалар назарияни бойитади ва унга моддий тус беради. Шунинг учун амалий тажрибага эга мутахассислар жуда қадрли ҳисобланади. Аммо ушбу тажриба ва билимлар билан ўртоқлаша оладиганлар янада катта қадр-қимматга эга. Игорь Манн айнан шундай профессионаллар қаторига киради: кўп йиллик муваффақиятли амалиёт илмий тажриба, маърузалар ўқиш ва китоблар ёзиш билан ёнма-ён жойлашган.

27 апрелда Игорь Манн Тошкент бизнес-ҳамжамиятига бир вақтнинг ўзида иккита — «1 рақами: қандай қилиб ўз ишингда энг сарасига айланиш мумкин?» ва «Бюджетсиз маркетинг. Янги воситалар» мавзусига бағишланган семинарларни тақдим этади. Бизнинг вазифамиз эса олинган маълумотлардан бор-йўғи хатосиз фойдалана олиш — тинглаш, ўрганиш, энг муҳим вазифаларни жой-жойига тўғри қўя олиш ва барча янги олинган билимларни амалда қўллай билишдир.

Ўзини ўзи ривожлантириш, тўғри тарзда мақсад қўя билиш ва, умуман олганда, ўзини ўзи камолотга етказиш борасидаги ҳар қандай фаолият қанчалик муҳим эканлигини барча ҳам англаса-да, аксарият кишилар бу йўлда онгсизлик ва чалкашликка йўл қўяди. Барча юксак тилакларингизни аниқ ва батафсил режага солсангиз, нима бўлиши борасидаги савол билан ўзингизга ҳеч мурожаат қилганмисиз? Муддатларни белгилаб олиш ва яқин қадамларни мўлжаллаш ва, энг асосийси, буларнинг барини ҳаётга татбиқ эта олиш ҳақида-чи?

Семинарнинг бутун биринчи қисми айнан шунга — максимал даражадаги самарадорликка қандай қилиб эришиш мумкинлиги борасидаги тайёр андоза билан танишишга бағишланган. Игорь Манн касбда муваффақиятга эришишнинг ўз усули ва танлаган соҳангизда 1-рақамли мутахассисга айланишнинг босқичма-босқич режасини сиз билан ўртоқлашади.

Хусусан, у қуйидаги мавзуларни батафсил ёритиб беради:

• Мақсад қўйиш маҳорати: қайси соҳада 1-рақамли бўлмоқчи эканлигингизни ва бу сизга нима учун кераклигини аниқлаймиз.
• Сизда мавжуд ресурсларни ва ички аудитни, қўйилган мақсадларга эришиш йўлида таянч нуқталарини қайта баҳолаш.
• Келгусида нима қилиш керак? Ўз ривожланишимиз йўлига бор кучимизни сарфлаймиз: аниқ нимага ва қандай қилиб?
• Олға силжишлар ва натижалар: маррага яқинлашамиз.

Иккинчи семинар сизга қўшимча маблағ жалб этиш ва мижозларингизни ушлаб қолиш юзасидан 85 та самарали, амалий натижа келтирувчи бюджет усулларини тақдим этади. Семинар тингловчилари учун фойдали бизнес машқлар ишлаб чиқилган бўлиб, улар давомида муайян муаммолар ва саволларни ечиш бўйича турли ғоялар муҳокама қилинади ҳамда вазиятлар моделлаштирилади. Сиз одатий топшириқларга бошқа бурчакдан туриб қарай олишингиз мумкин бўлади.

Тингловчилар нафақат тез-тез қўлланиладиган маркетинг воситалари, совға сертификатлари ва содиқлик карталарининг самарадорлиги ҳақида, балки брендни олға силжитишнинг янги қизиқарли усуллари ҳақида ҳам билимга эга бўла олади.

Қолаверса,

• Сиз ўзингиз учун янги мижозларни жалб қилишга ёрдам берадиган сотувларнинг қўшимча каналларини кашф қила оласиз;
• Ресурсларни тўғри тақсимлаш ва мавжуд салоҳиятни қўллаш учун ўз ходимларингиз таркибини сифат жиҳатидан таҳлил қила оласиз;
• Маблағлар оқиминининг енгил ўтишини таъминлаш учун сотувлар айланмаси билан ишлашни ўрганасиз;
• Мижозлар ва ҳамкорларни ушлаб қолиш юзасидан самарали ва қиммат бўлмаган маслаҳатлар оласиз;
• Мижозларни ва ҳамкорларни қайтаришнинг янги экологик усулларини ўзингиз учун кашф қиласиз.

Ucell мобил алоқа оператори — семинарнинг бош телекоммуникацион ҳамкори. И.Маннинг 2015 йилги илк семинарига компаниянинг ўндан ортиқ ходимлари ташриф буюрди ва ҳозирда ўзлаштирилган билимларни муваффақиятли тадбиқ этмоқдалар. Жумладан, ўтган йили июлда бўлиб ўтган «Клиентомания» семинарининг фойдасини алоҳида қайд этиш зарур. Ўзбекистон хусусий бизнесига биринчилардан бўлиб Ucell мобил оператори таклиф қилган, якка тартибдаги тадбиркорлар учун янги махсус BEST ва SPECIAL тариф режалари мижозга йўналтирилган ёндашувнинг мисоли бўлиб хизмат қилди. Игорь Маннинг бизнесни илгари суришда энг сара стратегияларига муносиб амалиёт майдони топилди. Энди самарали маркетинг учун янги воситаларни аниқлаб олиш кифоя!

Игорь Маннинг иккала семинари жорий йилнинг 27 апрелида Wyndham Tashkent меҳмонхонасида бўлиб ўтади. Дастурда иштирокчиларнинг мунозаралари учун танаффуслар кўзда тутилган. Барча тингловчиларга семинарда қатнашганликлари ҳақида расмий сертификат топширилади. Тадбир ҳақида ва чипталарни харид қилиш борасидаги қўшимча маълумотларни www.change.uz сайтидан ва (+99890) 994-12-11, (+99890) 995-12-11 телефон рақамлари орқали олишингиз мумкин.

Маърузачи ҳақида

Игорь Манн — Россияда катта талабга эга, маркетинг бўйича амалиётчи-тренер. Маркетинг билан 1993 йилдан буён шуғулланиб келмоқда. Россия Маркетологлар бирлашмаси фикрига кўра, йил консултанти. 15 та таълим дастурлари ва китобларининг муаллифи. Улар қаторида «Маркетинг на 100%», «Без бюджета», «Маркетинг Машина» ва бошқалар бор. «Манн, Иванов и Фербер» нашриёти, «Сила Ума», «Маркетинг Машина», PushBooks интернет-лойиҳалари ҳамкори ва таъсисчиларидан бири. Америка, Европа ва Россия компанияларининг маркетинг соҳасидаги 20 йиллик фаолият тажрибасига эга (маркетинг коммуникациялари бўйича менежер, маркетинг бўйича директор лавозимларидан тортиб, тижорат ишлари бўйича директор ва маркетинг бўйича минтақавий директор лавозимигача). 12 йилдан ортиқ муддат давомида маркетинг бўйича директор лавозимида фаолият юритди. Мазкур муддатнинг 5 йили Американинг Lucent ва Avaya компанияларида ўтди. Игорь Манн корпоратив ва очиқ тренингларини мунтазам равишда ташкил этади. Ўтган давр мобайнида унинг тренинг ва семинарларида 500 000 дан зиёд киши иштирок этди.

Реклама ҳуқуқи асосида. «Дарё» ушбу тадбирнинг ахборот ҳамкори ҳисобланади