АҚШ давлат департаменти ва Пентагон ўз ходимларининг оила аъзоларига хавфсизликка таҳдид муносабати билан Туркиянинг жанубий туманларини тарк этишни буюрди, дея хабар бермоқда «Интерфакс».
Associated Press ёзишича, бунда гап Адана шаҳридаги АҚШ консулхонаси, АҚШ ҳарбий-ҳаво кучларининг «Инжирлик» базаси, шунингдек, Измир ва Мугла провинциялари ҳақида бормоқда.
Бироқ АҚШ маъмуриятидагилар ушбу қарор Туркиянинг мазкур туманларида хизмат вазифаларини ўтаётган АҚШ фуқароларига ўз оила аъзолари билан яшаш тақиқланишини билдирмаслигини таъкидлади.
Нашр эслатишича, АҚШ ҳукумати ушбу чора-тадбирни Туркияда кескинлик кучайиши фонида амалга оширмоқда.
Изоҳ (0)