“Манчестер Сити” ҳужумчиси Эрлинг Ҳоланд ўз туғилган куни муносабати билан ижтимоий тармоқларда олган ҳақоратли хабарга кинояли тарзда жавоб берди.
Норвегиялик юлдузга бир фойдаланувчи қуйидаги нафратга тўла сўзларни ёзган:
Умид қиламанки, сен бир кун келиб ўласан. Жуда аҳмоқсан, кўринишинг эса дарбадарга ўхшайди. Бориб ўзингни ўлдир.
Ҳоланд эса ушбу хабарга кинояли тарзда жавоб қолдирди:
Ажойиб туғилган кун табриги учун раҳмат, Уил! Умид қиламанки, ота-онанг бу ёзган табригингдан фахрланади.
Кейинчалик хабар муаллифи ўз ёзган сўзларидан пушаймон бўлиб, кечирим сўради:
Мен жуда аҳмоқона сўзлар ёздим. Бу менинг асл шахсимни акс эттирмайди. Ёзганларим ҳақиқий футбол мухлисига хос эмас.
Эслатиб ўтамиз, Эрлинг Ҳоланд ўтган мавсумда барча мусобақаларда 48 ўйинда майдонга тушиб, 34 та гол ва 5 та голли узатмага муаллифлик қилган. Унинг “Манчестер Сити” билан шартномаси 2034 йилгача амал қилади. Transfermarkt портали ҳужумчининг қийматини 180 миллион евро деб баҳоламоқда.
Изоҳ (0)