Мисрнинг Egypt Air компаниясига тегишли А-320 самолётини гаровга олиб, экипажни Кипрнинг Ларнака шаҳри аэропортига қўнишга мажбур қилган шахс Сайф ад-Дин Мустафо эканлиги маълум бўлди. Бу ҳақда, Кипр ташқи ишлар вазирлигининг Twitter’даги хабарига асосланиб, «РБК» ёзмоқда.
Илгарироқ лайнерни гаровга олган шахс Искандария ва Атланта университетлари профессори Иброҳим Самаҳа эканлиги маълум қилинган эди. Аммо унинг ўзи бу даъволарни рад қилиб, бортни бошқа йўловчилар билан бирга тарк этганини эътироф этди. Иброҳим Самаҳанинг рафиқаси ҳам Мисрнинг «ОН-ТВ» телеканали эфирида унинг эри жиноятга алоқадор эмаслигини тасдиқлади.
Изоҳ (0)