Футбол бўйича Испания Ла Лигасининг 30-турига 18 март куни старт берилди. Турнинг биринчи ўйинида лигада жон сақлаб қолиш учун кураш олиб бораётган «Хетафе» 8-ўринни эгаллаб турган «Эйбар»ни қабул қилди.
Учрашувнинг 7-дақиқасида мезбонлар Эмилиано Веласкеснинг голи билан ҳисобда олдинга чиқиб олган бўлса, ўйин асосий вақти якунига уч дақиқа қолганида Борха Бастон «Эйбар»ни мағлубиятдан қутқариб қолган голни урди.
Борха Бастон 25 та ўйинда 17 та гол билан тўпурарлар пойгасида олтинчи бўлиб турибди. 1992 йилда туғилган футболчидан олдинда Криштиану Роналду (27 та гол), Луис Суарес (26), Лионель Месси (22), Неймар (20) ва Карим Бензема (19) каби ҳужумчилар бор.
30 та ўйинда 38 очко жамғарган «Эйбар» турнир жадвалида 8-ўринда бормоқда. «Хетафе» эса 28 очко билан 16-ўринга кўтарилди.
Испания Ла Лигаси 30-тур учрашуви 18 март, жума «Хетафе» — «Эйбар» 1:1 Голлар: Веласкес, 7 (1:0). Бастон, 87 (1:1).
30-турнинг қолган беллашувлари 19—20 март кунлари бўлиб ўтади:
19 март, шанба«Спортинг» — «Атлетико»«Гранада» — «Раё Валекано»«Реал Соседад» — «Лас-Палмас»«Депортиво» — «Леванте»
20 март, якшанба«Бетис» — «Малага»«Эспаньол» — «Атлетик»«Виляреал» — «Барселона»«Валенсия» — «Селта»«Реал» — «Севилья»
Изоҳ (0)