Футбол бўйича Ўзбекистон кубоги 1/16 финал беллашувлари 18 март, жума куни старт олди. Фақатгина бир учрашувдан иборат бу босқичда Олий Лига клублари, регламент бўйича, Биринчи Лига вакиллари майдонида кураш олиб боради, дея хабар бермоқда ЎзПФЛ матбуот хизмати.
18 март куни бўлиб ўтган учрашувларнинг натижаларига кўра, «Қўқон-1912», «Металлург» ва «Олмалиқ» жамоалари кейинги босқич йўлланмасини қўлга киритганди. Бугун, 19 март куни яна 1/16 финал доирасида яна олти ўйин бўлиб ўтди.
Мазкур босқичнинг ўзига хос жуфтлигида Муборакнинг «Машъал» жамоаси ўз фарм-клубига қарши саф тортди. Асосий ва қўшимча дақиқаларда асосий таркиб футболчилари ёшлар жамоаси дарвозасига йўл топа олишмади. Қўшимчасига Зоҳир Қўзибоев 113-дақиқада қизил карточка олиб, майдонни тарк этди. Фақатгина пенальтилар серияси «Машъал»ни қутқариб қолди.
Андижонда сенсацион натижа қайд этилди — Олий Лига вакили «Шўртан» маҳаллий «ЎзДонгЖу» клубига имкониятни бой берди. Учрашув тақдирини ҳал қилган ягона гол 66-дақиқада Исломбек Каримов ҳисобига ёзилди. Вилоятнинг Олий Лигадаги вакили — «Андижон» эса Неманья Йовановичнинг дубли эвазига Зоминдан ғалаба билан қайтди.
Эртага, 20 март куни 1/16 финалнинг қолган учта ўйини бўлиб ўтади.
Ўзбекистон Кубоги—2016 1/16 финал босқичи 18 март, жума«НБУ-Осиё» — «Қўқон-1912» 2:3 (асосий вақт — 2:2, қўшимча вақт — 0:1)«Хотира-79» — «Металлург» 0:3«Нурафшон» — «Олмалиқ» 0:2 (асосий вақт — 0:0, қўшимча вақт — 0:2)
19 март, жума«Оқтепа» — «Обод» 0:5«ЎзДонЖу» — «Шўртан» 1:0«Цементчи» — «Навбаҳор» 2:3«Машъал-2» — «Машъал 0:0 (пенальтилар серияси — 7:8)«Зомин» — «Андижон» 0:2«Қизилқум» — «Орол» 5:0
20 март куни ўтказиладиган учрашувлар рўйхати«Ёзёвон-Лочинлари» — «Бухоро»«Динамо» — «Нефтчи»«Пахтакор-2» — «Сўғдиёна»
Изоҳ (0)