2016 йил сентябри бошида чиқариладиган янги iPhone 7 256 гигабайтлик ички хотирага эга бўлиши мумкин, шунинг ҳисобига у Apple смартфонлари тарихидаги энг қимматбаҳосига айланади, деб ёзади «Hi-tech.mail.ru».
Гаджет бутланадиган модуль тасвирини Hdblog нашри эълон қилди. Инсайдер таъкидлашича, катта ҳажмли хотирага эга iPhone 7’ни чиқариш қарори фотосуратлар сифатини ошириш билан боғлиқ. Янги смартфоннинг иккиталик камераси, худди iPhone 6s ва 6s Plus’даги каби, 4К-сифатли фото ва видеоларни олишга қодир, ушбу файллар эса жуда кўп жойни эгаллайди.
Экспертлар қайд этишича, 256 гигабайтли хотира билан қурилманинг катта модификацияси — 5,5 дюймли iPhone 7 Plus ёки iPhone Pro чиқарилади. Кичиги (iPhone 7)нинг хотираси эса 128 гигабайтдан ошмайди.
Бундан ташқари, iPhone’нинг еттинчи авлодида ишлаб чиқарувчи 16 Гб хотирали версиядан воз кечади.
Эслатиб ўтамиз, аввалроқ Хитойнинг Bastille Post манбаси эълон қилган янги расмлар iPhone 7’да қўш камера мавжудлигини тасдиқлагани хабар берилган эди.
Изоҳ (0)