БМТ Бош котиби Пан Ги Мун 100 дан зиёд киши қурбон бўлишига олиб келган Саудия Арабистони бошчилигидаги араб коалициясининг Ямандаги бозорга берган авиазарбасини қоралади. Бу ҳақда «ТАСС» хабар бермоқда.
«Бош котиб Яманнинг Хажа вилоятидаги Мустаба шаҳрининг ал-Хамис бозорига берилган авиазарбаларни қоралайди. Бу шунга ўхшаш биринчи ҳодиса эмас — 27 февралда коалиция ҳарбий-ҳаво кучлари Сано вилоятидаги бозорга зарба берган ва бунинг оқибатида ўттиздан зиёд киши ҳалок бўлганди. Тинч аҳоли ёки фуқаролик объектларига қасддан ҳужум халқаро гуманитар ҳуқуқнинг жиддий бузилишидир. Шу каби ҳодисаларнинг барчасини тезкорлик билан, самарали, мустақил ва холис текширувдан ўтказиш ўта муҳим аҳамиятга эга», — дейилади Пан Ги Мун девонхонаси томонидан тарқатилган коммюникеда.
Эслатиб ўтамиз, сўнгги маълумотларга кўра араб коалициясининг Мустаба шаҳридаги бозорга берган икки авиазарбаси оқибатида ҳалок бўлганлар сони 119 кишига етган.
Изоҳ (0)