Коалиция самолётлари Ямандаги бозорга берган зарба натижасида 119 киши ҳалок бўлди

Араб коалицияси ҳарбий-ҳаво кучлари Яманнинг Хажа провинциясида жойлашган Мустаба шаҳрига икки марта берган зарбаси натижасида ҳалок бўлганлар сони 119 кишига етди, дея хабар қилади «ТАСС».

15 март, сешанба куни коалиция самолётлари Мустабанинг марказий қисмига қарата иккита авиазарбани амалга оширган эди. Снарядлар бозорга бориб тушган.

Шифокорлар маълум қилишича, маҳаллий касалхоналар ихтиёридаги объектларнинг барчаси жабрланганларни жойлаштириш учун жалб қилинган. Бироқ Мустаба ва унга яқин Aбс шаҳридаги касалхоналарда дори-дармонлар ва боғлаш материаллари етишмовчилиги  ўта даражада сезилаётгани вазиятни мураккаблаштирмоқда.