Мадриднинг «Реал» футбол клуби ҳужумчиси Криштиану Роналду Испания чемпионати 29-туридан ўрин олган «Лас-Палмас»га қарши учрашувдан сўнг Марокашга йўл олди, дея хабар бермоқда «Chempionat.com».
«Реал» раҳбарияти Роналдуга Марокашга тез-тез сафар қилишни тақиқлаб қўйганди — клуб президенти Флорентино Перес футболчи сафар билан овора бўлиб, жамоадаги фаолиятига етарлича эътибор қаратмаётганидан хавотир билдирганди.
Бироқ, «Chempionat.com»нинг ёзишича, Роналду майдон ташқарисидаги ҳаётини режалаштиришда клуб президенти Флорентино Пересга бўйсунмоқчи эмас.
Аввалроқ португалиялик футболчи Марокашга кикбоксёр дўсти Бадр Ҳари билан учрашиш учун бораётгани ҳақида хабарлар пайдо бўлганди. Хусусан, Роналду «Эспаньол»га қарши ўйиндан кейин ҳам Марокашга учиб кетган эди.
Кейинроқ футболчи бу ташрифдан мақсади дўсти билан учрашиш бўлмаганини маълум қилганди. «Лас-Палмас» билан ўйиндан кейинги саёҳатдан мақсад нима эканлиги ҳозирча ошкор этилмаган.
Маълумот учун, «Реал» 29-турни 2:1 ҳисобидаги ғалаба билан якунлаганига қарамай, бу учрашувда Роналду шахсий антирекордини янгилади. Бундан аввалроқ Роналду клуб раҳбариятидан ўзини трансферга қўйишларини сўрагани ҳақида хабар берилган эди.
Изоҳ (0)