Тошкентдаги Сергели автомобиль бозори яқинидаги Lada Узбекистан компаниясига тегишли автосалонда 12 март, шанба куни «АвтоВАЗ»нинг янги маҳсулоти — Lada Vesta седанининг расмий тақдимоти бўлиб ўтди. Бу ҳақда Facebook’даги «Водители Ташкента» гуруҳида ва Lada Узбекистанънинг Facebook’даги саҳифасида хабарлар қолдирилган.
Lada Vesta’нинг Россиядаги савдолари 2015 йил ноябридан бошланган эди. Lada автомобилларининг Ўзбекистондаги расмий импортчиси ҳисобланган Lada Узбекистан компанияси янги моделнинг Ўзбекистондаги расмий сотуви февраль ойи охири — март ойи бошидан бошланишини аввалроқ «Дарё»га маълум қилганди.
Узатмалар қутисининг тури ва комплектакциясига қараб Lada Vesta автомобиллари Ўзбекистонда 10,3 минг АҚШ долларидан 11,6 минг АҚШ долларигача бўлган нархларда сотилади. Ўзбекистонга дастлабки даврда олти хил комплектациядаги Vesta’лар етказиб берилади.
Изоҳ (0)