2016 йилнинг февралида Россияда GM Uzbekistan АЖ ҚК автомобиллари ўтган йилнинг шу даврига нисбатан 3 фоизга камроқ сотилди. Бу ҳақда Европа бизнеси уюшмаси Автомобиль ишлаб чиқарувчилар қўмитасига таяниб UzDaily хабар бермоқда.
Ушбу ой давомида Россияда жами 1586 та машина сотилган, бироқ айнан қайси моделлар қандай ҳажмда сотилгани ҳақида маълумот тақдим этилмади.
2016 йилнинг январь—февралида GM Uzbekistan АЖ ҚК жами 2855 та автомобиль сотди, бу 2015 йилнинг шу даврига нисбатан 22 фоизга кам демакдир.
GM Uzbekistan қўшма корхонасининг Россия бозоридаги улуши январь—февралда 1,5 фоизни ташкил этди, ўтган йилги кўрсаткич эса 2 фоизга тенг бўлган.
Февраль ойи якунларига кўра, GM Uzbekistan Россияда автомобиллар савдоси ҳажми бўйича 18-ўринни эгаллади.
Изоҳ (0)