6 март, якшанба куни Ироқда рўй берган теракт оқибатида 47 киши ҳалок бўлди. Бу ҳақда «ТАСС» хабар бермоқда.
Ҳодиса Бағдоддан 100 километр узоқликда жойлашган Бобил вилояти маъмурий маркази — Ал-Хилла шаҳрида содир бўлди. Худкуш террорчи портловчи модда билан тўлдирилган юк автомобилини портлатиб юборган. Ўнлаб кишилар оғир жароҳат билан касалхонага етказилган, шу боис қурбонлар сони ортиши мумкинлиги билдирилмоқда.
Мазкур теракт учун жавобгарликни ИШИД жангарилари ўз зиммасига олган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)