Жанубий Кореяда Халқаро инсонпарварлик жамияти ит гўшти фермасини ёпиб ташлади, дея хабар бермоқда «Корреспондент.net». Натижада 64 та ит қутқариб қолинди ва улар Сан-Францискога жўнатилди.
Жони сақлаб қолинган итлар орасида наслдорлари ҳам, аралаш зотлилар ҳам бўлган. Хабарларга кўра, кучуклар ит гўшти фермасида қамаб қўйилган ҳолда сақланган.
Маълумки, Жанубий Кореяда ит гўштидан тайёрланган таомлар пазандаликда алоҳида йўналиш ҳисобланади. Ит гўшти мамлакатда оммабоплик бўйича мол гўшти, чўчқа гўшти ва товуқ гўштидан кейинги тўртинчи ўринни эгаллайди.
Аммо сўнгги пайтларда ит гўшти мамлакатда, айниқса, ёш авлод орасида ўз оммабоплигини йўқотмоқда. Бу, ўз навбатида, активистларга босим ўтказиш ва фабрикаларни ёпиш имкониятини бермоқда.
Изоҳ (0)