Охирги бир йил давомида Эрон аксилнаркотик полицияси 525 тонна наркотикни мусодара қилди. Бу ҳақда мамлакат хавфсизлик хизматлари таркибидаги махсус бўлинма раҳбари генерал Али Мойедий маълум қилди, дея хабар беради «ТАСС».
«Охирига етаётган йил (Эронда йил 21 март куни якунланади) давомида бутун мамлакат бўйлаб 525 тонна наркотик мусодара қилинган, бу ўтган йилга нисбатан 14 фоизга кўп. Ушбу наркотиклардан 400 тоннасини афюн, 75 тоннасини гашиш, қолганини героин ва морфин ташкил этган. Операциялар чоғида уларни олиб ўтиш билан шуғулланган бир неча гуруҳ қўлга олинди, 61 нафар наркосавдогар йўқ қилинди», — дея таъкидлаган Мойедий.
Генералнинг билдиришича, операциялар асосан мамлакатнинг шарқий чегараларида ўтказилган. Афғонистон ва Покистон билан чегарадош Систон ва Белужистон вилояти орқали ўтувчи наркотрафик эса йил давомида икки баробар кўпайган.
Изоҳ (0)