Тошкентда Sony Xperia C4 смартфони 1,7 млн сўмдан сотила бошлади

Ўзбекистонда Sony Mobile компаниясининг янги — Xperia C4 смартфони сотила бошлади, дея хабар бермоқда «Mobinfo.uz». Компания уни ўрта даражадаги смартфон сифатида тақдим этган бўлса-да, у олд камерасининг илғор имкониятлари орқали ажралиб туради.

Xperia C4 5,5 дюймли 1920×1080 пикселли IPS-дисплей, саккиз ядроли MediaTek MT6752 процессори, 2 Гб тезкор ва 16 Гб ички хотира (+microSD), 13 мегапикселли асосий ва 5 мегапикселли олд камера, 2600 мА/соат сиғимли аккумуляторга эга.

Олд фотомодуль Exmor R тасвир датчиги ва кенг бурчакли объектив (25 мм) билан фарқланади. Sony Xperia C4 селфи-смартфон дея таърифланади. Олд камера ёнида LED-вспишка бўлиб, у юмшоқ тарзда бироз ёруғлик беради.

Қурилма Android 5.0 операцион тизимида ишлайди.

Sony Xperia C4’ни Тошкентдаги «Флешка» савдо мажмуасида 1,7 миллион сўмга сотиб олиш мумкин.

Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.