Австралиялик адиба Хелен Гарнер 150 минг доллар миқдоридаги Уиндхэм-Кэмпбелл адабий мукофотига сазовор бўлгани ҳақидаги электрон хабарни спам ўрнида қабул қилди. Бу ҳақда Meduza маълум қилди.
Гарнернинг айтишича, Йель университетидаги номаълум кишидан келган «яхши янгилик» ҳақида хабарга ишонқирамай қараган ва у кераксиз хабарлар почтасидан ўрин олган. Ғолиб чиққанлигига эса ношири билан боғланганидан кейингина ишонган.
Мукофотга сазовор бўлган бошқа ёзувчилар ҳам мазкур янгиликка дарров ишонмаган. Канадалик драматург Ханна Москович автожавоб қурилмасида қолдирилган хабарни ўтказиб юборишига сал қолган. Ирландиялик муаллиф Эбби Спэллен эса буни лақиллатиш сифатида қабул қилган.
Уиндхэм-Кэмпбелл адабий мукофоти ҳар йили инглиз тилида ёзувчи тўққиз нафар муаллифга тақдим этилади. Бошқа аксар мукофотлардан фарқли равишда, унга талабнома бериш шарт эмас, шу боис муаллифлар мукофотга даъвогар бўлганини ҳатто билмайди ҳам.
Изоҳ (0)