Техас штатидан сенатор Тед Круз АҚШ Республикачилар партиясининг Аляска штатидаги кокусида ғалабага эришди. Бу ҳақда The Washington Post нашрига таяниб, «Интерфакс» хабар бермоқда.
Овозларнинг 97 фоизи ҳисоблаб чиқилганда Крузни сайловчиларнинг 36,4 фоизи қўллаб-қувватлагани маълум бўлди. Иккинчи ўринни 33,5 фоиз овоз тўплаган Дональд Трамп эгаллади. Ўртадаги фарққа қарамай, иккала номзод учун ҳам партия съездида 11 нафардан делегат овоз берадиган бўлди. Флорида штатидан сенатор Марко Рубио кокус иштирокчиларининг 15,1 фоиз овозини йиққан.
Бўлиб ўтган «суперсешанба» якунлари бўйича Дональд Трамп Республикачилар ўртасида сайловолди пойгасида бош бўлиб турибди. Демократлар сафида эса собиқ Давлат котиби Ҳиллари Клинтон етакчилик қилмоқда.
Изоҳ (0)