Ўзбекистонда 2015 йилда ННТ ва фуқаролик жамияти институтларини давлат гранти, ижтимоий буюртма ва субсидия шаклида молиялаштиришга 10 миллиард сўм маблағ ажратилди. Бу ҳақда Ўзбекистон Олий Мажлиси ҳузуридаги Нодавлат-нотижорат ташкилотларини ва фуқаролик жамиятининг бошқа институтларини қўллаб-қувватлаш Жамоат фонди маблағларини бошқариш бўйича Парламент комиссияси маълум қилди.
2015 йилда давлат бюджетидан ажратилган маблағларнинг умумий миқдори 2008 йилга нисбатан 5 баробарга ортган. Грант учун мингдан ортиқ ННТ, ОАВ ва фуқаролик жамиятининг бошқа институтлари 1,2 мингдан ортиқ лойиҳаларни тақдим этган.
Қайд этишларича, минтақалар кесимида Фарғона вилояти, Қорақалпоғистон Республикаси ва Тошкент шаҳри энг кўп лойиҳалар билан иштирок этган.
Изоҳ (0)