«Телба Макс: Ғазаб йўли» фильми либослар, сценография ва соч турмаклари номинациялари бўйича 2015 йилнинг энг яхши фильми деб топилиб, «Оскар» мукофоти билан тақдирланди. Бу ҳақда «РИА Новости» агентлиги хабар бермоқда.
Маросимнинг дастлабки бир соатида «Телба Макс» учта статуэтка соҳибига айланди. Картина ўнта номинация бўйича мукофотга, хусусан, энг яхши режиссёр ва энг яхши фильм йўналишларида ҳам ғолибликка номзод сифатида кўрсатилган.
Либослар учун мукофот британиялик дизайнер Женни Бивенга топширилди. У ўнинчи марта «Оскар»га номзод қилиб кўрсатилди ва иккинчи марта ғалаба қозонди. Сценография учун Колин Гибсон ва Лиза Томпсон, турмаклар учун уч кишидан иборат стилистлар жамоаси тақдирланди.
Изоҳ (0)