Тошкент шаҳри ва Фарғона водийсида 29 февраль куни ҳаво ҳарорати +23 даражагача кўтарилади

Ўзбекистонда 29 февраль, душанба куни ҳаво ўзгариб туради, ёғингарчилик кутилмайди. Бу ҳақда «Ўзгидромет» маркази хабар берди.

29 февралга ўтар кечаси ҳаво ҳарорати Ўзбекистоннинг тоғли ҳудудларида +7 даражагача, Қорақалпоғистон Республикаси, Фарғона водийси вилоятлари ва Тошкент шаҳрида +8 даражагача илиқ бўлади.

Тошкент, Самарқанд, Жиззах, Сирдарё вилоятларида душанба кунига ўтар кечаси +10 даражагача, Бухоро ва Навоий вилоятларида +12 даражагача, Қашқадарё ва Сурхондарё вилоятларида эса +13 даражагача илиқ бўлиши кутилмоқда.

29 февраль куни кундузи Қорақалпоғистон Республикаси ва Хоразм вилоятида +8...+13 даража, Ўзбекистоннинг тоғли ҳудудларида эса +10...+15 даража илиқ бўлади.

Тошкент, Самарқанд, Жиззах, Сирдарё, Андижон, Наманган, Фарғона вилоятлари ҳамда Тошкент шаҳрида ҳаво ҳарорати +23 даражагача кўтарилса, Бухоро, Навоий, Қашқадарё ва Сурхондарё вилоятларида +20...+25 даража илиқ бўлиши кутилмоқда.