Хоразм вилоят ИИБ ЙҲХБ, вилоят давлат солиқ бошқармаси, Ўзбекистон автомобиль ва дарё транспорти агентлиги вилоят ҳудудий бўлими ҳамда йўловчи ташиш фаолияти билан шуғулланувчи ташкилотлар ходимларидан иборат гуруҳлар шаҳар ва туманларда рейдлар ўтказмоқда. Бу ҳақда Ўзбекистон автомобиль ва дарё транспорти агентлиги ахборот хизмати маълум қилди.
2016 йил январь ойи давомида 16 та рейд ўтказилиб, 271 та қоидабузарлик аниқланди. 70 та ҳолатда автотранспорт воситаларини жарима майдонига вақтинчалик киритиш ва маъмурий баённомалар расмийлаштириш каби чоралар қўлланилди.
Январь ойининг ўзида лицензиясиз автотранспорт воситаларида йўловчи ташиётган 200 нафар ҳайдовчи аниқланиб, солиқ идоралари ходимлари билан ҳамкорликда маъмурий баённомалар расмийлаштирилиб, ҳужжатлар суд идораларига ўтказилди. Суд томонидан 197 нафар ҳайдовчидан жами 153 миллион 896 минг сўм жарима ундирилди.
Изоҳ (0)