Россиянинг Воркута шаҳридаги «Шимолий» («Северная») конида содир бўлган қайта портлаш оқибатида олти киши қурбон бўлди, беш киши жароҳат олди. Фавқулодда вазиятлар вазирлиги матбуот хизматига асосланиб, «ТАСС» агентлигининг маълум қилишича, портлаш чоғида ер остида 38 қутқарувчи ва 39 кон ишчиси бўлган.
Ҳалок бўлганларнинг беш нафари қутқарувчилар, яна бири кончидир. Жароҳат олганлар шифохонага ётқизилган.
Эслатиб ўтамиз, 25 февраль куни конда, 780 метр чуқурликда метан ажралиб чиқиши оқибатида иккита портлаш содир бўлди, ер остида ёнғин келиб чиқди. Ўша пайти конда 111 киши ишлаётган эди. Ҳодисанинг дастлабки соатларида 81 кончи ташқарига олиб чиқилиб, улардан тўққиз нафари тиббиёт ходимларига мурожаат қилди, олти нафари шифохонага ётқизилди.
4 кончи ҳалок бўлгани, 26 нафарининг тақдири номаълум эканлиги хабар қилинганди.
Изоҳ (0)