Рио-де-Жанейро шаҳрида бўлиб ўтадиган 2016 йилги Олимпиада ўйинлари олдидан машъала эстафетаси Бразилиянинг 329 шаҳрида ўтказилади. Бу ҳақда Insidethegames’га таянган ҳолда «ТАСС» хабар бермоқда.
Олимпиада машъаласи 21 апрель, пайшанба куни Қадимий Олимпия (Греция)да ёқилади. Эстафета эса 3 май, сешанба куни Бразилиа шаҳридан бошланиб, 5 август, жума куни Риода якунланади.
«Эстафета орқали биз миллионлаб инсонлар ёдида узоқ вақт эсда қоладиган байрамни ўтказишга берилган ваъдамиз устидан чиқамиз. Биз маданиятимиз хилма-хиллиги ва табиатимизни намойиш қилмоқчимиз», — дейди 2016 йилги Олимпиада ўйинлари ташкилий қўмитаси президенти Карлос Нузман.Рио—2016 ўйинлари 2016 йилнинг 5 августидан 21 августига қадар бўлиб ўтади.
Изоҳ (0)