Tara Air компаниясининг Непал тоғларида қулаган кичик йўловчи самолёти бортида бўлган барча ҳалок бўлди. Бу ҳақда, мамлакат туризм вазирлиги баёнотига таяниб, «ТАСС» хабар бермоқда.
«Самолёт бортида бўлган барча йўловчилар ҳалок бўлди», – дейилади баёнотда.
Илгарироқ хабар қилинганидек, Tara Air авиакомпаниясининг Twin Otter самолёти диспетчерлар билан алоқани йўқотиб қўйган, шундан бери ундан хабар олиш имконияти бўлмаган. Бортида 18 йўловчи ва 3 нафар экипаж аъзоси бўлган самолёт Покхарадан Жомсом шаҳрига парвозни амалга ошираётган эди.
Изоҳ (0)