АҚШ президенти Барак Обама Гуантанамо ҳарбий базасидаги қамоқхонани ёпишга оид махсус баёнот билан чиқди. Унинг айтишича, Пентагон мазкур масаладаги режани Конгрессга тақдим этган, дея хабар беради «РБК».
«Олдинга қадам ташлаб, мавзуни узил-кесил ёпайлик. Мен бу муаммо, ким бўлишидан қатъи назар, келгуси президентга ҳам ўтишини истамайман. Америкада хавфли террорчиларни ушлаб туриш тажрибаси бор, бу вазифа аъло даражада уддалаб келинган», — дея таъкидлаган Обама.
Қамоқхонадаги 91 нафар маҳбусдан 35 нафари шу йил бошқа жойларга ўтказилиши мўлжалланган. Қолганлари уларни қабул қилишга тайёр бўлган ҳудудлар ёки АҚШга жўнатилади. Reuters’нинг билдиришича, қонун чиқарувчилар Обаманинг таклифини қўллаб-қувватламаган тақдирда, президент қамоқхонани ўзининг фармойиши билан ёпиши мумкин.
Изоҳ (0)