Нефтнинг эталон навлари нархлари 24 февраль, чоршанба куни пасаймоқда, деб ёзади «Ведомости» савдо майдонлари маълумотларига таяниб.
Лондоннинг ICE Futures биржасида Brent маркасидаги нефтнинг апрель фьючерслари баррелига 33 доллардан арзонлашди. Тошкент вақти билан 10:30 га келиб, бир баррель 32,8 долларга тенг бўлди. Нью-Йорк товар биржасида (NYMEX)ги электрон савдоларда WTI навидаги нефтнинг фьючерслари котировкалари бу вақтга келиб, баррелига 31,13 долларгача тушди.
Нашр таъкидлашича, нефть нархларининг тушишига Саудия Арабистони нефть вазири Али ал-Наимийнинг баёноти сабаб бўлди. У Хьюстондаги IHS CERAWeek конференциясида 23 февраль куни Ар-Риёд нефть қазиб чиқариш ҳажмини камайтирмаслигини маълум қилган эди — гап нефть етказиб бериш ҳажмини ҳозирги даражада сақлаб қолиш ҳақидагина бориши мумкин.
Изоҳ (0)