Marokash maxsus xizmatlari terrorchi guruhning 10 nafar a’zosini qo‘lga oldi va ular tomonidan 19-fevral, juma kuni amalga oshirilishi rejalashtirilgan teraktga chek qo‘ydi. Bu haqda mamlakat sud tekshiruvlari markaziy byurosi direktori Abdulhaq Xiyom ma’lum qildi, deya xabar beradi “TASS”.
Xiyomning ta’kidlashicha, qo‘lga olingan guruhni “haqiqiy kallakesarlar to‘dasi” sifatida baholash mumkin. Ma’lumotlarga ko‘ra, teraktni portlovchi qurilma joylashtirilgan avtomobildan foydalangan holda 16 yoshli o‘smir amalga oshirishi lozim bo‘lgan. Guruh a’zolari esa davlat muassasalari, fuqarolar va harbiylarga hujum uyushtirishni mo‘ljallagan.
Mamlakatning aynan qaysi shahrida terakt amalga oshirilishi rejalashtirilganiga aniqlik kiritilmagan.
Izoh (0)