Вашингтон ва Пекин Хитой зенит-ракета мажмуалари жойлаштирилишини муҳокама этиши кутилмоқда

Хитой ташқи ишлар вазири Ван И келгуси ҳафтада Вашингтонда бўлади. Бу ҳақда «ТАСС» хабар бермоқда.

The Washington Free Beacon маълумотларига кўра, хитойлик меҳмоннинг АҚШ Давлат котиби Жон Керри, мудофаа вазири Эштон Картер, АҚШ президентининг миллий хавфсизлик бўйича ёрдамчиси Сюзан Райс билан учрашувлари кўзда тутилган.

Муҳокамаларнинг асосий мавзуси Пекин томонидан Жануби-Хитой денгизи оролларидан бирида зенит-ракета мажмуалари жойлаштирилиши бўлиши кутилмоқда. Ўз навбатида, Ван И Пентагоннинг Жанубий Кореяда янги ракетага қарши тизимлар ўрнатиш режаларига қарши чиқиши тахмин қилинмоқда.