Ўзбекистон футзал термаси ўз тарихида биринчи марта жаҳон чемпионатига чиқди

Футзал бўйича Тошкентда давом этаётган Осиё чемпионатининг чорак финалидаги Ўзбекистон ва Ироқ ўртасидаги ўйин якунланди.

Учрашувда ўзбекистонлик футзалчилар 3:0 ҳисобида ғалаба қозонди. Ўзбекистон сафидан Дилшод Раҳматов дублга эришган бўлса, Нодир Элибоев яна бир голга муаллифлик қилди. Ушбу ғалабадан кейин Ўзбекистон футзал термаси Осиё чемпионатининг ярим финали ва энг муҳими Колумбияда ўтказиладиган футзал бўйича жаҳон чемпионатининг йўлланмасига эга бўлди.

Ўзбекистон футзал термаси тарихда биринчи марта жаҳон чемпионатида иштирок этади.

Ушбу муваффақият билан футзал бўйича Ўзбекистон термасининг барча мухлисларини муборакбод этамиз.

Футзал бўйича Осиё чемпионати. 1/4 финал

Ўзбекистон – Ироқ – 3:0 (1:0).

Голлар: Дилшод Раҳматов (18, 39), Нодир Элибоев (31).