Futbol bo‘yicha O‘zbekiston milliy terma jamoasi yetakchilaridan biri Server Jeparov futzal bo‘yicha O‘zbekiston milliy terma jamoasi o‘yinchilariga ijtimoiy tarmoqlar orqali murojaat qildi. Jeparovning murojaati OFKning Twitter’dagi rasmiy sahifasida e’lon qilindi.
YOU CAN BE HEROES | @UzbekistanFF Server Djeparov has a message for @UzbekistanFF_en ahead of #UZBvIRQ #AFCFC2016 pic.twitter.com/nXA1UGTU9n
— AFC (@theafcdotcom) February 17, 2016
Eslatib o‘tamiz, 17-fevral, chorshanba kuni futzal bo‘yicha O‘zbekiston milliy terma jamoasi Toshkent shahrida davom etayotgan futzal bo‘yicha Osiyo chempionati chorak finali doirasida Iroq terma jamoasiga qarshi maydonga tushadi. Toshkent vaqti bilan 16:00 da boshlanadigan o‘yin g‘olibi Kolumbiyada bo‘lib o‘tadigan futzal bo‘yicha jahon chempionati yo‘llanmasini qo‘lga kiritadi.
“O‘z uyingizda o‘ynayotganingizni, Sizni yaqinlaringiz kuzatib borishini unutmang. Ularga quvonch ulashing, toki yaqinlaringiz Siz bilan faxrlansin. Sizning maqsadingiz — bu jahon chempionati”, — dedi futbol bo‘yicha O‘zbekiston milliy terma jamoasi yarim himoyachisi.
Ma’lumot uchun, O‘zbekistonning futbol bo‘yicha milliy terma jamoasi ham, futzal bo‘yicha milliy terma jamoasi ham jahon chempionatlarida biror marta ishtirok etmagan.
Izoh (0)