«Парнас» партияси етакчиси Михаил Касьянов Россия ҳуқуқ-тартибот идоралари унинг аризаларига ўз муддатида муносабат билдирмаётганидан шикоят қилди. Мухолифат вакили Чеченистон раҳбари Instagram’да жойлаштирган видео ва Москва марказидаги ресторанда уюштирилган ҳужумдан сўнг полиция, Федерал хавфсизлик хизмати ва Тергов қўмитасига мурожаат этганди, дея хабар беради «РБК».
«9 февралда Москва марказидаги ресторандаги ҳужумдан сўнг полицияга мурожаат қилганман. Бундай ариза уч сутка давомида кўриб чиқилиши ва жиноий иш қўзғатилиши ёки қўзғатиш рад этилиши ҳақида қарор қабул қилиниши керак. Бу ҳақда полиция аризачини хабардор қилиши лозим, бироқ ҳуқуқ-тартибот идораларидан ҳеч қандай хабар берилгани йўқ. Федерал хавфсизлик хизмати ва Тергов қўмитасига мурожаат бўйича ҳам қонун бўйича белгиланган барча муддатлар ўтиб кетди», — дея ёзган Касьянов Facebook’даги саҳифасида.
Эслатиб ўтамиз, олдинроқ Касьяновга ҳужум уюштирилган ресторан яқинида чечен полициячилари қўлга олингани, бироқ кейинчалик уларнинг қўйиб юборилгани ҳақида хабар берилганди.
Изоҳ (0)