Сурияда тўртта касалхона ва иккита мактаб ўққа тутилди, дея хабар бермоқда «ТАСС» БМТ Болалар жамғармаси (ЮНИСЕФ) ижрочи директори Энтони Лейкка таяниб.
Унинг айтишича, иккита тиббиёт муассасаси ЮНИСЕФдан кўмак олган. Улардан бирида — она ва бола марказида — болалар ҳалок бўлган.
Икки мактабга уюштирилган ҳужум олти нафар болани ҳаётдан олиб кетган.
Лейкнинг сўзларига кўра, ЮНИСЕФ зудлик билан ушбу ҳодисалар ҳақида кўпроқ маълумот олишга ҳаракат қилмоқда.
ЮНИСЕФ маълумотларига кўра, Дамашқ ва мухолифат ўртасида қарийб беш йилдан буён давом этаётган низолар натижасида Суриядаги касалхоналарнинг учдан бир қисми ва мактабларнинг тўртдан бир қисми ишлашдан тўхтаган.
Изоҳ (0)