Европа кенгаши 15 февраль, душанба куни Беларусь президенти Александр Лукашенко ва мамлакат мансабдорларидан яна 169 кишига нисбатан жорий этилган санкцияларни бекор қилди. Бу ҳақда «РБК» хабар бермоқда.
Улардан Европа Иттифоқига киришга тақиқ ва молиявий санкциялар олиб ташланган. Мамлакатдаги 3 та компанияга нисбатан санкциялар ҳам бекор қилинган. Қурол-яроғ етказиб бериш, ЕИ одамлар йўқолишига алоқадорликда гумон қилаётган тўрт киши, шунингдек, 4 та компанияга нисбатан санкциялар ўз кучида қолди.
ЕИ Беларусда сиёсий маҳбуслар озод этилганини инобатга олди. 2015 йил августида Лукашенко халқаро ташкилотлар сиёсий маҳбус сифатида эътироф этган олти киши, жумладан, мамлакат президентлигига собиқ номзод Николай Станкевични авф этганди.
Евроиттифоқ инсон ҳуқуқлари мунтазам равишда бузилгани туфайли 1998 йилда Беларусга қарши санкциялар жорий этганди. 2004 йилда АҚШ ҳам Минскка нисбатан чекловчи чораларни қўллади.
Изоҳ (0)