Вазирлар Маҳкамасининг 5 февралдаги қарори (pdf) билан Соғлиқни сақлаш вазирлиги тизимининг турғун даволаш-профилактика муассасаларида овқатланишни ташкил этиш ва унинг учун ҳақ тўлаш тартиби тўғрисидаги низоми тасдиқланди.
Низомга мувофиқ, тиббиёт муассасаларидаги овқатланиш нонушта, тушлик, тушликдан кейинги овқат ва кечки овқатланишдан иборат бўлади.
Тиббиёт муассасаларида шахсларга (беморларга) нонушталар бепул берилади, уларга қилинадиган харажатлар Ўзбекистон Республикаси Давлат бюджети маблағлари ҳисобига қопланади.
Овқатланиш учун (нонушталардан ташқари) ҳақ тўлаш беморнинг, унинг қариндошларининг ёки бошқа шахсларнинг, ташкилотларнинг, шу жумладан, ҳомийларнинг ва қонун ҳужжатларида тақиқланмаган бошқа манбалар маблағлари ҳисобига амалга оширилади.
Тиббиёт муассасаларида овқатланиш учун ҳақ тўлашдан озод қилинадиган шахслар рўйхати 1 ва 2-иловаларда келтирилган.
Изоҳ (0)