Ўзбекистонда ҳафта давомида ҳаво ҳарорати кўтарилиши кутилмоқда

Ўзбекистон 16—20 февраль кунлари ҳаво ўзгариб туради, ёғингарчилик кутилмайди. Бу ҳақда Вазирлар Маҳкамаси ҳузуридаги «Ўзгидромет» маркази хабар берди.

Тошкент шаҳри

Тошкент шаҳрида 16—20 февраль кунлари ҳаво ўзгариб туради, ёғингарчилик кутилмайди, вақти-вақти билан туман тушиши мумкин. 16 февралга ўтар кечаси -2...0 даража совуқ, 16 февраль куни кундузи эса +6...+8 даража илиқ бўлади.

17 февраль куни кечаси -3 даражагача совуқ, кундузи эса +10 даражагача илиқ бўлади. 18—20 февраль кунлари Тошкент шаҳрида ҳаво ҳарорати кечаси -2...+5 даража, кундузи эса +15...+20 даража илиқ бўлади.

Қорақалпоғистон Республикаси ва Хоразм вилояти

16—17 февраль кунлари ҳаво ҳарорати кечаси -8...-3 даража совуқ, кундузи эса +5...+10 даража илиқ бўлади. 18—20 февраль кунлари ҳаво ҳарорати бироз кўтарилади — кечаси -5...0 даража совуқ, кундузи эса +8...+13 даража илиқ бўлиши кутилмоқда.

Бухоро ва Навоий вилоятлари

16 февраль куни кечаси -7 даражагача совуқ, кундузи эса +7...+12 даража илиқ бўлади. 17 февраль куни эса кечаси -3...+2 даража, кундузи +5...+10 даража илиқ бўлиши кутилмоқда. 18—20 февраль кунлари ҳаво ҳарорати кечаси -2...+5 даража, кундузи +12...+17 даража илиқ бўлади.

Тошкент, Самарқанд, Жиззах ва Сирдарё вилоятлари

16 февраль куни вақти-вақти билан туман тушади. 16—17 февраль кунлари кечаси ҳаво ҳарорати -3...+2 даража, кундузи эса +5...+10 даража илиқ бўлади. 18—20 февраль кунлари эса ҳаво ҳарорати бироз кўтарилиб, кечаси 0...+5 даража, кундузи эса +12...+17 даража илиқ бўлиши кутилмоқда.

Қашқадарё ва Сурхондарё вилоятлари

16—17 февраль кунлари кечаси ҳаво ҳарорати -3 даражагача совуқ бўлади, кундузи эса +13 даражагача илиқ бўлиши кутилмоқда. 18—20 февраль кунлари ҳаво ҳарорати кўтарилади — кечаси +7 даражагача, кундузи эса +20 даражагача илиқ бўлиши тахмин қилинмоқда.

Андижон, Наманган ва Фарғона вилоятлари

16 февраль куни вақти-вақти билан туман тушади. 16—18 февраль кунлари кечаси -7 даражагача совуқ бўлади, кундузи +5...+10 даража илиқ бўлади. 19—20 февраль кунлари ҳаво ҳарорати кўтарилиб, кечаси 0...+5 даража, кундузи +10...+15 даража илиқ бўлади.

Ўзбекистоннинг тоғли ҳудудлари

20 февралга қадар вақти-вақти билан туман тушиб туради. Қор кўчиши хавфи 19 февралгача сақланиб қолади. 16—17 февраль кунлари кечаси ҳаво ҳарорати -13 даражагача, 18—20 февраль кунлари эса -10 даражагача совуқ бўлади. Кундузи эса 16—17 февралдаги +2 даражадан 18—20 февраль кунлари +5 даражагача ошиши кутилмоқда.