Франция ТИВ раҳбари Лоран Фабиус истеъфога чиқишини маълум қилди. Бу ҳақда 10 февраль, чоршанба куни Reuters агентлиги маълум қилди.
Вазирлар кенгашининг йиғилиши якунида Фабиус бу унинг иштирокидаги сўнгги тадбир бўлганлигини маълум қилган.
Мамлакат президенти Франсуа Олланд шу куни Фабиуснинг номзодини Франция Конституциявий кенгаши раиси лавозимига таклиф этиши кутилмоқда. Бу лавозимни 2007 йилдан буён Жан-Луи Дебре эгаллаб келмоқда.
Агентликнинг маълум қилишича, ташқи ишлар вазирининг истеъфога чиқиши ҳукуматда бир қатор қайта тайинлашларга олиб келади.
Фабиус ТИВ раҳбари лавозимини 2012 йилнинг май ойидан буён эгаллаб келаётганди.
Изоҳ (0)