Украинада эпидемия мавсуми бошланганидан буён расман гриппнинг ўлимга олиб келиши билан боғлиқ 253 та ҳолат қайд этилган, дея хабар бермоқда «Корреспондент.net» мамлакат соғлиқни сақлаш вазирлигига таяниб.
Қурбонлар орасида 17 ёшгача бўлган уч нафар ёш бола бор.
Эпидемия мавсуми бошидан бери Украина бўйича жами 145 минг киши «грипп» ва «ўткир респиратор вирус инфекцияси» дастлабки ташхислари билан касалхонага ётқизилган.
Бундан ташқари, 9 февраль ҳолатига кўра, баъзи ҳудудлардаги 2,5 мингта болалар таълим, умумий таълим ва мактабдан ташқари таълим муассасаларида эпидемияга қарши чеклов чоралари киритилган ёки дарслар тўхтатилган.
Украина соғлиқни сақлаш вазирлиги мамлакатда 26 январь куни грипп эпидемиясини эълон қилган эди.
Изоҳ (0)