Тайваннинг Тайнань махсус муниципалитетида содир бўлган кучли зилзила оқибатида қурбонлар сони 35 кишига етди, яна 110 киши бедарак йўқолган, деб ҳисобланмоқда. Бу ҳақда Хитойнинг «Сина» портали берган маълумотларга асосан «ТАСС» хабар қилмоқда.
6,4 магнитудали зилзила 6 февраль, шанба кунига ўтар кечаси содир бўлган. Тайнань муниципалитетида ўнга яқин қурилмалар вайрон бўлган. Ер ости силкинишлари Гаосюн шаҳри ва Пиндун ва Цзяи уездларида ҳам сезилган бўлса-да, жиддий зарар келтирмаган.
Эслатиб ўтамиз, зилзила оқибатида қурбонлар сони 31 кишига етганлиги хабар қилинган эди.
Изоҳ (0)