«Барселона» ҳужумчиси Лионель Месси афғонистонлик беш ёшли Муртазо Аҳмадий билан учрашишга тайёр, деб хабар қилади «Чемпионат».
Олдинроқ интернетда Аҳмадийнинг полиэтилен пакетдан Мессининг футболкасини ясаб олган сурати тарқалиб кетганди. Аввалига бу бола Ироқда яшаши ҳақида хабарлар тарқалганди, аммо охир-оқибат унинг афғонистонлик эканлиги маълум бўлди. Аргентина терма жамоаси футболчиси болакай билан учрашишга розилик берган.
«Афғонистон футбол федерацияси раҳбарияти Месси ва ‘Барселона’дан учрашув хусусида хабар олди», — деди федерация матбуот котиби Сайид Али Козимий.
Изоҳ (0)