Вашингтон университети олимлари реал вақтда беморлар фикрларини 96 фоизгача аниқликда ўқишга муваффақ бўлди, дея хабар бермоқда «Корреспондент.net».
Тадқиқотчилар эпилепсия (тутқаноқ касаллиги) билан хасталанган беморлар миясининг чакка қисмига электродларни улаб, сўнг уларни бир ҳафта давомида кузатди. Шу билан бир вақтда, электродлар фаол бўлиб турган пайтда, беморлар мия тўлқинлари тадқиқотида қатнашди.
Барча кўнгиллиларга олимлар уй ва кўчалар тасвирларини кўрсатди, уларнинг ҳар бири экранда роппа-роса 400 миллисония давомида намойиш этилди. Бу вақт давомида мутахассислар сенсорли ўтказиш маркази жойлашган манглай қисмидан келаётган сигналларни таҳлил қилди.
Таъкидланишича, сессияларнинг ҳар бирида дастур 96 фоиз ҳолатда реал вақт режимида ушбу лаҳзада бемор хаёлидан ўтказаётган тасвирни топган. Дастур одам ўзи кўрган расмни идрок қилганидан 20 сония ўтибоқ, ўша тасвир ҳақида маълум қилган.
Тадқиқот муаллифларидан бири айтишича, ушбу натижалар фалажлангани ёки инсультни бошидан кечиргани оқибатида ўз танасида «қамалиб қолган» беморлар учун коммуникация механизмини яратиш имкони борлигидан дарак беради.
Изоҳ (0)