Гонконгдаги InvestHK форумидаги нутқи чоғида SpaceX компанияси асосчиси ва Tesla Motors бош директори Илон Маск Марсга илк парвозлар билан боғлиқ режалари ҳақида эълон қилди, деб ёзади «Hi-tech.mail.ru». SpaceX тўртинчи сайёрага парвозларни 2020—2025 йилларда бошлашга умид қилмоқда. Бу NASA эълон қилган муддатдан беш йил аввалроқдир.
Илон Маск, шунингдек, ўзи коинотга яқин беш йил ичида жўнамоқчи эканлигини таъкидлади.
Айни пайтда SpaceX компанияси бошқариладиган Dragon космик кемаси ва унинг турли тизимларини синовдан ўтказмоқда.
«РИА Новости» аниқлик киритишича, аввалроқ NASA мутахассислари Марсга одам иштирокидаги илк экспедицияни 2030 йилда юбориш мумкин бўлишини маълум қилган эди.
Изоҳ (0)