Саудия Арабистонидаги масжидда юз берган теракт қурбонлари сони 4 кишига етди

Саудия Арабистонининг шарқидаги аш-Шарқия округида террорчи-худкушлар томонидан шиалар масжидига уюштирилган ҳужум қурбонлари сони тўрт кишига етди. Бу ҳақда маҳаллий ОАВ берган маълумотларга асосан «Интерфакс» хабар қилмоқда.

Шунингдек, 18 нафар киши яраланди.

Олдинроқ, уч кишининг ҳалок бўлганлиги хабар қилинган эди.

Маълум қилинишича, ҳуқуқ-тартибот идора вакиллари жума намози бошланишидан олдин, масжид эшигининг олдида икки нафар террорчини тўхтатган.

Шунда террорчилардан бири масжиднинг остонасида ўзини портлатиб юборган, иккинчиси эса, ҳуқуқ-тартиботчилар билан отишма бошлаган. У яраланиб, қўлга олинганда, унда худкуш камари борлиги аниқланди.