Saudiya Arabistonidagi masjidda yuz bergan terakt qurbonlari soni 4 kishiga yetdi

Saudiya Arabistonining sharqidagi ash-Sharqiya okrugida terrorchi-xudkushlar tomonidan shialar masjidiga uyushtirilgan hujum qurbonlari soni to‘rt kishiga yetdi. Bu haqda mahalliy OAV bergan ma’lumotlarga asosan “Interfaks” xabar qilmoqda.

Shuningdek, 18 nafar kishi yaralandi.

Oldinroq, uch kishining halok bo‘lganligi xabar qilingan edi.

Ma’lum qilinishicha, huquq-tartibot idora vakillari juma namozi boshlanishidan oldin, masjid eshigining oldida ikki nafar terrorchini to‘xtatgan.

Shunda terrorchilardan biri masjidning ostonasida o‘zini portlatib yuborgan, ikkinchisi esa, huquq-tartibotchilar bilan otishma boshlagan. U yaralanib, qo‘lga olinganda, unda xudkush kamari borligi aniqlandi.