2016 йилнинг 27—29 январь кунлари Ўзбекистон Республикаси ташқи ишлар вазири Абдулазиз Камилов бошчилигидаги делегация амалий ташриф билан Хитой халқ республикасида бўлади. Бу ҳақда вазирлик матбуот хизмати маълум қилди.
Пекин шаҳрида Хитой ташқи ишлар вазири Вань И билан бўлиб ўтадиган учрашувда Ўзбекистон — Хитой муносабатлари ва Шанхай ҳамкорлик ташкилоти доирасидаги ҳамкорликнинг долзарб масалаларини муҳокама қилиш режалаштирилган.
ШҲТ бош котиби Рашид Алимов билан ўтказиладиган музокаралар доирасида 2016 йил июнда Тошкент шаҳрида бўлиб ўтадиган ШҲТга аъзо мамлакатлар давлат раҳбарлари кенгаши мажлиси ҳамда Ўзбекистоннинг мазкур ташкилотда раислиги доирасида ўтказиладиган бошқа тадбирларга тайёргарлик кўришнинг амалий масалалари муҳокама қилинади.
Изоҳ (0)